Italiya A Seriyasining 25-turida Udineze o'z maydonida Sassuoloni qabul qildi. Bu haqda euro-football.ru xabar beradi.
Uchrashuv boshida mezbonlar tezda oldinga chiqdi: 10-daqiqada Yurgen Ekkelenkampning uzatmasidan so'ng Umar Sole hisobni ochdi — 1:0.
Ikkinchi bo'limda Sassuolo o'yinni qisqa vaqt ichida o'z foydasiga burib yubordi. Avvaliga Andrea Pinamonti jarima maydonidan noaniq zarba berdi, biroq oradan to'rt daqiqa o'tib u Arman Lorientega pas uzatdi va fransuz hujumchi aniq zarba bilan hisobni tenglashtirdi. Keyingi hujumdayoq Pinamonti Ulisses Garsiyaning to'p oshirishini bosh bilan yakunlab, mehmonlarni oldinga olib chiqdi — 1:2.
Udineze javob qaytarishga urindi: burchakdan keyin Nikolo Bertola bosh bilan to'pni darvozaga yo'lladi, ammo epizodda qo'l o'yini qayd etilgani sababli gol bekor qilindi.
Natijada Sassuolo safarda 2:1 hisobida g'alaba qozondi. Tur yakuniga ko'ra, har ikki jamoada 32 ochko bor va ular 9-o'rinni bo'lib turibdi.
“Zamin”ni Telegramʻda oʻqing!
