Saudiya Arabistoni chempionatining 22-turida “Al-Nasr” safarda “Al-Fateh”ni 2:0 hisobida mag‘lub etdi. Uchrashuvdagi gollardan biriga 41 yoshli markaziy hujumchi Krishtianu Ronaldu mualliflik qildi — u tanaffusdan so‘ng maydonga qaytdi. Bu haqda euro-football.ru xabar beradi.
O‘yindan keyin futbol sharhlovchisi Aleksandr Yelagin yulduz portugaliyalikning harakatlarini alohida taʼkidladi. Uning aytishicha, Ronaldu nafaqat gol urdi, balki himoyada ham faol ishladi: bir necha bor jarima maydonchasidan to‘pni uzoqlashtirib, jamoasiga yordam berdi.
Yelagin ijtimoiy tarmoqlardagi izohida Ronaldu maydonda “yosh boladek” yugurayotganini yozib, bunday sport formasiga qoyil qolishini bildirdi.
Joriy mavsumda Saudiya Arabistoni chempionatida Ronaldu 19 o‘yinda 18 ta gol urdi.
“Zamin”ni Telegramʻda oʻqing!
