Madridning «Real» klubi keyingi mavsum uchun tarkib bo‘yicha rejalarni allaqachon tuza boshladi. Transfer News Live xabariga ko‘ra, insayder Fabritsio Romano ma’lumotlariga tayangan holda, klub David Alaba bo‘yicha qarorini deyarli qabul qilib bo‘lgan. Bu haqda euro-football.ru xabar beradi.
Manbaga ko‘ra, «Real» avstriyalik himoyachini kelgusi rejalarida ko‘rmayapti va u bilan amaldagi shartnomani uzaytirish niyatida emas. Natijada Alaba yaqin yozda erkin agent maqomini oladi.
Iyun oyida David Alaba 34 yoshga to‘ladi. U «Real» safida 2021 yil yozidan buyon o‘ynamoqda va shu vaqt ichida barcha musobaqalarda 126 ta rasmiy uchrashuvda maydonga tushib, 5 ta gol hamda 9 ta golli uzatma qayd etgan.
Ayni paytda «Real» La Liga jadvalida peshqadam bo‘lib turibdi: madridliklar «Barselona»dan 2 ochko oldinda.
“Zamin”ni Telegramʻda oʻqing!
