Chempionlar ligasida «Benfika» — «Real» uchrashuvida Vinisius Junior ishtirokida navbatdagi mojaroga o‘xshash holat yuz berdi. Madridliklar hujumchisi ta’kidlashicha, lissabonliklar vingeri Janluka Prestianni unga irqchilik mazmunida haqoratli gaplar aytgan. Bu haqda euro-football.ru xabar beradi.
El Larguero xabariga ko‘ra, UEFA ehtimoliy kamsitish holati bo‘yicha intizomiy ish ochishi mumkin. Epizod paytida yaqin turgan Kilian Mbappe va boshqa futbolchilar guvohlik berishi ehtimoli bor, biroq Prestiannining aybini isbotlash oson bo‘lmasligi aytilmoqda: u gapirayotganida og‘zini futbolkasi bilan berkitib olgan.
Shu sababli «Benfika» qanot hujumchisi jazodan qutulib qolishi ham mumkin — agar aytilgan so‘zlar aniq tasdiqlanmasa. O‘yindan keyingi intervyularda «Real» futbolchilari Prestiannini keskin tanqid qildi, Mbappe esa uning «endilikda Chempionlar ligasida o‘ynamasligi kerak»ligini aytdi.
“Zamin”ni Telegramʻda oʻqing!
