Milanning “Inter” klubi bosh direktori Juzeppe Marotta jamoa “Bryugge” yarim himoyachisi Aleksandar Stankovich bo‘yicha qayta sotib olish bandini ishga tushirishi mumkinligi haqidagi gap-so‘zlarga munosabat bildirdi. Bu haqda euro-football.ru xabar beradi.
Marottaning aytishicha, qayta sotib olish huquqi 2027 yilgacha amal qiladi va hozircha bu mavzuda aniq xulosa qilish erta. U kelajakda qanday qaror qabul qilinishini vaqt ko‘rsatishini ta’kidlab, Stankovich amalda “Inter”ga juda yaqin futbolchi ekani, u hatto Chempionlar ligasida ham qimmatli tajriba olayotganini qo‘shimcha qildi.
Aleksandar Stankovich 2025 yilda “Inter”dan “Bryugge”ga 9 million yevro evaziga ko‘chib o‘tgan. Uning belgiyaliklar bilan shartnomasi 2029 yil 30 iyungacha mo‘ljallangan. Joriy mavsumda tayanch yarim himoyachi barcha musobaqalarda 38 o‘yinda maydonga tushib, 7 ta gol urdi va 4 ta golli uzatmani amalga oshirdi.
“Zamin”ni Telegramʻda oʻqing!
