Italiyaning «Komo» klubini boshqarayotgan ispaniyalik murabbiy Sesk Fabregas «Milan»ga qarshi bahsdan keyin o'yin haqida fikr bildirdi. Uchrashuv 1:1 hisobida yakunlandi, «Milan» esa o'yin davomida hisobni tenglashtirishga majbur bo'ldi. Bu haqda euro-football.ru xabar beradi.
Fabregasning ta'kidlashicha, bugun uning jamoasi raqibdan ko'ra yaxshiroq harakat qilgan: «Milan» ikkinchi bo'lim o'rtalarigacha darvozamizga ilk bor jiddiy zarba yo'lladi. Murabbiy o'yin yoqqanini aytar ekan, Salemakers epizodida raqib futbolchisi maydondan chetlatilishi kerak bo'lganini ham qo'shdi — uning fikricha, bu «Komo»ga g'alaba olib kelishi mumkin edi.
«Endi keyingi o'yinga tayyorgarlik ko'ramiz. Umid qilamanki, navbatdagi uchrashuvni ham shunday ishonch bilan o'tkazamiz», — deya Fabregasning so'zlarini pianetamilan.it keltirdi.
Hozirda «Komo» Italiya chempionati turnir jadvalida 6-o'rinni egallab turibdi.
“Zamin”ni Telegramʻda oʻqing!
