Angliya chempionatining safar bahsida Londonning «Arsenal» jamoasi «Vulverxempton» bilan 2:2 hisobida durang o'ynadi. «Kanonirlar» 2:0 hisobida oldinda borayotgan bo'lsa-da, yakunda g'alabani qo'ldan chiqarib yubordi. Bu haqda euro-football.ru xabar beradi.
Ushbu natija yuzasidan futbol sharhlovchisi Aleksandr Elagin o'z fikrlarini bildirdi.
«Durang — mag'lubiyatga teng. Juda alamli. Uchrashuvni deyarli muammosiz nazorat qilib, ikki to'p farq bilan yutib turgan paytda oxir-oqibat durangga rozi bo'lish — eng muhim g'alabani boy berish demak», — deya yozdi Elagin ijtimoiy tarmoqlarda.
«Arsenal» 58 ochko jamg'arib, Angliya chempionati turnir jadvalida yetakchilikni saqlab qoldi. «Manchester Siti» esa 5 ochkoga ortda bormoqda, biroq Xosep Gvardiola jamoasining zaxirada bitta o'yini bor.
“Zamin”ni Telegramʻda oʻqing!
