“Manchester Yunayted”ning sobiq hujumchisi Ueyn Runi “Manchester Siti” bosh murabbiyi Xosep Gvardiolaning ehtimoliy vorisi kim bo‘lishi kerakligi haqida fikr bildirdi. Bu haqda euro-football.ru xabar beradi.
Runi ta’kidlashicha, ispaniyalik mutaxassisning amaldagi shartnomasi 2027 yil yozida yakunlanadi va u shu payt “shaharliklar”ni tark etishi mumkin. Shuningdek, mavsum yakunida ham kutilmagan o‘zgarish bo‘lish ehtimoli istisno etilmayapti.
“Agar Gvardiola ‘Manchester Siti’dan ketsa, ular Vensan Kompanini qaytarib olishlari kerak. U klubni yaxshi biladi, ‘Bavariya’da ham xuddi shunga o‘xshash talablar ostida muvaffaqiyatga erishdi. Ko‘rinishidan, u Pepdan ko‘p narsani o‘rgangan”, — deya Runining so‘zlarini keltiradi BBC Sport.
Runi, shuningdek, Gvardiola klubga keyingi murabbiy tanlashda ko‘mak berishi mumkinligini ham qo‘shimcha qildi: uning fikricha, ispaniyalik mutaxassis o‘z o‘rniga keladigan nomzodni izlash jarayonida ishtirok etishi ehtimoli yuqori.
Gvardiola 2016 yildan buyon “Manchester Siti”ni boshqarib kelmoqda.
“Zamin”ni Telegramʻda oʻqing!
