Italiya A Seriyasida 26-tur uchrashuvlari davom etmoqda. "Inter" navbatdagi g'alabasini qo'lga kiritib, "Lechche" darvozasiga javobsiz ikki gol urdi. Gollardan biriga Federiko Dimarko mualliflik qildi. Bu haqda euro-football.ru xabar beradi.
Uchrashuvdan so'ng Dimarko o'yin qanchalik og'ir kechganini ta'kidladi: gol urgani yoqimli bo'lganini, buning ortidan yengillik his qilganini aytdi. Uning fikricha, raqib oxirigacha harakat qildi va tartibli futbol namoyish etdi. Shuningdek, "Inter" Norvegiyadan payshanba kuni qaytgani, shunga qaramay bugun maydonga tushib vazifani bajarishga muvaffaq bo'lganini qo'shimcha qildi. Futbolchining so'zlarini fcinter1908.it keltirdi.
Ushbu g'alabadan so'ng Milan klubi A Seriya turnir jadvalida yaqin ta'qibchilaridan o'zib ketgan farqni 10 ochkogacha oshirdi.
“Zamin”ni Telegramʻda oʻqing!
