“Al-Nasr” hujumchisi Krishtianu Ronaldu Saudiya Arabistoni chempionatida “Al-Hazm”ga qarshi o‘yindan so‘ng (4:0) jurnalistlar savollariga javob berdi. Bu haqda euro-football.ru xabar beradi.
41 yoshli portugaliyalik futbolchi ushbu uchrashuvda ikki bor raqib darvozasini ishg‘ol qildi va o‘yinning eng yaxshi futbolchisi deb topildi. Bellashuv yakunida u kelajagi borasida ham fikr bildirdi.
“Buni avval ham ko‘p marta aytganman: mening kelajagim Saudiya Arabistoni bilan bog‘liq. Bu yerda o‘zimni baxtli his qilyapman va qolishni xohlayman”, — deya Ronaldu so‘zlarini keltiradi Al Nassr Zone.
Eslatib o‘tamiz, oy boshida Ronaldu klub rahbariyati ishidan norozi bo‘lgani sabab jamoasining ayrim o‘yinlarida qatnashmagandi. Keyinroq u maydonga qaytdi va ketishi haqidagi gap-so‘zlarni rad etdi.
“Zamin”ni Telegramʻda oʻqing!
