“Lans”ning afsonaviy darvozaboni Giyom Varmuz sobiq jamoasining o‘yinlarini katta qiziqish bilan kuzatmoqda. Uningcha, parijlik “PSJ”ning Fransiyadagi ustunligiga jiddiy chaqiriq tashlagan “Lans” yana bir bor chempionlik uchun real kurash olib borishi mumkin. Bu haqda euro-football.ru xabar beradi.
Varmuz 1998 yilda aynan “Lans” bilan birga chempion bo‘lganini eslatib, klub bu muvaffaqiyatni takrorlashga qodirligini ta’kidladi. “Raxbariyat, ehtimol, Chempionlar ligasi zonasini ko‘zlayotgandir. Ammo hozir “Lans” chempionlikka ham da’vogar deyish mumkin. Agar jamoa aprelgacha yuqori o‘rinlarni ushlab tursa, bu juda jiddiy ariza bo‘ladi. Lansda hamma ishonadi — ular titul uchun jang qilyapti”, — deya Varmuz so‘zlarini derbyderbyderby.it keltirdi.
Biroq shanba kuni “Lans” Varmuzni xafa qildi: “Monako”ga qarshi bahsda 2:0 hisobida oldinga chiqqan jamoa ikkinchi bo‘limda uch marta gol o‘tkazib yubordi va yakunda mag‘lub bo‘ldi.
“Zamin”ni Telegramʻda oʻqing!
