Shanba kuni Premyer-liga o'rtamiyona jamoalari — «Sanderlend» va «Fulhem» — «Stadium of Light» arenasida o'zaro bahs olib bordi. Bu haqda euro-football.ru xabar beradi.
Birinchi bo'lim ehtiyotkor ruhda o'tdi, ammo tanaffusdan keyin o'yin jonlandi. 54-daqiqada burchak zarbasidan keyin Raul Ximenes bosh bilan aniq zarba yo'llab, hisobni ochdi — 0:1.
Oradan ko'p o'tmay, «Fulhem» penalti ishladi va Ximenes 11 metrlik zarbani ishonchli ijro etib, farqni ikkitaga oshirdi — 0:2. «Sanderlend» ham javobsiz qolmadi: 76-daqiqada Enzo le Fe penaltidan gol urdi, darvozabon to'pni qaytarishga yaqin kelgan bo'lsa-da, hisob 1:2 ko'rinishini oldi.
Uchrashuv taqdiri 85-daqiqada hal bo'ldi. Qarshi hujumda Garri Uilson hujumni o'tkirlashtirdi, Aleks Ivobi esa darvozabon ustidan oshirib, yakuniy nuqtani qo'ydi — 1:3.
Bu g'alabadan so'ng «Fulhem» turnir jadvalida 10-o'ringa ko'tarildi va «Sanderlend»ni bir ochko ortda qoldirdi.
“Zamin”ni Telegramʻda oʻqing!
