"Piza" bosh murabbiyi Oskar Hilyemark Toskana derbisi arafasida matbuot anjumanida ishtirok etdi. "Fiorentina" – "Piza" uchrashuvi 22-fevral kuni Italiya chempionatining 26-turi doirasida o‘tkaziladi va start hushtagi 22:30 da (Toshkent vaqti bilan) yangraydi. Bu haqda euro-football.ru xabar beradi.
Mutaxassis bu bahs oddiy o‘yin emasligini ta’kidladi: jamoa unga ham taktik, ham ruhiy jihatdan puxta tayyorlanishi kerak. Hilyemarkning so‘zlariga ko‘ra, "Piza" maydonga faqat g‘alaba uchun chiqadi, turnir jadvalidagi vaziyat esa jamoani maksimum darajada yaxshi o‘yin ko‘rsatishga majbur qilmoqda.
Shuningdek, murabbiy "Fiorentina"ning payshanba kuni o‘tkazgan Yevrokubok uchrashuvi "Piza"ga qo‘shimcha ustunlik bermasligini qayd etdi. Uning fikricha, raqiblar chempionat o‘yiniga optimal holatda yetib keladi.
Ayni paytda "Fiorentina" 21 ochko bilan 18-o‘rinda bormoqda, "Piza" esa 15 ochko jamg‘argan holda turnir jadvalining 19-pog‘onasida joylashgan.
“Zamin”ni Telegramʻda oʻqing!
