"Milan" bosh murabbiyi Massimiliano Allegrining yordamchisi Marko Landuchchi "Parma"ga qarshi uchrashuvdagi maglubiyat yuzasidan fikr bildirdi. Bu haqda euro-football.ru xabar beradi.
A seriyaning 26-turida milanliklar o'z maydonida kutilmagan tarzda imkoniyatni boy berib, "Parma"ga yutqazib qo'ydi.
Landuchchining aytishicha, raqib juda chuqur va ixcham himoyalanganda "Milan"ga hujumda yechim topish qiyinlashadi: jamoa ko'pincha jarima maydoniga oshirmalarga tayanib qoldi, ammo uzatmalar ko'pincha manzilini topmadi. Uning ta'kidlashicha, bunday zich mudofaa fonida aniq vaziyatlar yaratish ancha murakkablashadi.
Hozirda "Milan" A seriya turnir jadvalida 54 ochko bilan ikkinchi o'rinda bormoqda. "Rossonerilar" peshqadam "Inter"dan 10 ochko ortda qolmoqda.
“Zamin”ni Telegramʻda oʻqing!
