«Manchester Yunayted» himoyachisi Lisandro Martines «Everton»ga qarshi uchrashuvda maydonga tushmaydi. The Athletic xabariga ko'ra, unda boldir mushagi jarohati borasida shubha paydo bo'lgan. Bu haqda euro-football.ru xabar beradi.
Martines MYUdagi faoliyati davomida jarohatlar bilan ko'p kurashgan. U noyabr oyida to'qqiz oylik tanaffusdan so'ng safga qaytib, chap tizzasidagi oldingi xochsimon bog'lam jarohatidan to'liq tiklangandi. 28 yoshli futbolchi APLdagi so'nggi 9 uchrashuvda ham doimiy ravishda asosiy tarkibda maydonga tushib kelayotgandi.
Klub ichida hozirgi muammo futbolchini atigi 1–2 haftaga safdan chiqarishi mumkin, degan umid bor.
Angliya chempionatining 27-tur bellashuvi 23 fevral kuni soat 01:00 da (Toshkent vaqti bilan) start oladi.
“Zamin”ni Telegramʻda oʻqing!
