Turkiyada o‘tgan uchrashuvdan olingan video ijtimoiy tarmoqlarda keng tarqaldi. Unda «Mevlanakapi Guzelhisar» va «Istanbul Yurdum Spor» jamoalari o‘rtasidagi bahsda darvozabon to‘pni uzoqqa tepmoqchi bo‘ladi, biroq u maydon uzra uchib o‘tayotgan chayqaga tegib ketadi. Bu haqda euro-football.ru xabar beradi.
Qush yerga qulagach, har ikki jamoa futbolchilari darhol uning yoniga yugurib boradi. «Istanbul Yurdum Spor» sardori Gani Chatan tezda vaziyatni tushunib, chayqaga bilvosita yurak massajini amalga oshiradi, so‘ng qushni maydon chetidagi tibbiyot xodimlariga topshiradi.
Turkiyaning AA nashri xabariga ko‘ra, chayqa omon qolgan. Bir muddat ucha olmasligi aytilmoqda, biroq veterinarlarga topshirilgach, qushning ahvoli asta-sekin yaxshilanadi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
