“Inter”ning afsonaviy himoyachisi Juzeppe Bergomi jamoaning Yevropa Chempionlar ligasidan chiqib ketganidan so‘ng fikr bildirdi. Milan klubi norvegiyalik “Budo-Glimt”ga qarshi o‘yinlarda kutilgan natijani bera olmadi va turnir bilan xayrlashdi. Bu haqda euro-football.ru xabar beradi.
Bergomining aytishicha, raqib jamoa uni jiddiy taassurot ostida qoldirgan. U “Budo-Glimt”ni jismonan kuchli, tartibli va dadil jamoa deb atadi hamda ularning “Inter”ga o‘yin tashabbusini qo‘lga olish imkonini bermaganini ta’kidladi.
Shuningdek, Bergomi natijani faqat bitta epizod yoki bir futbolchining xatosi bilan bog‘lamadi. Uning fikricha, norvegiyaliklar uchrashuv davomida umumiy o‘yin sifatida ustun bo‘lgan.
Eslatib o‘tamiz, Juzeppe Bergomi “Inter” safida 1979 yildan 1999 yilgacha to‘p surgan va butun professional faoliyatini aynan shu klubda o‘tkazgan.
“Zamin”ni Telegramʻda oʻqing!
