Italiyaning «Milan» klubi sobiq futbolchisi Alessandro Matri jamoa muammolari haqida fikr bildirdi. Uning aytishicha, o'yin yakuniga yaqinlashgan sayin «Milan»da ortiqcha shoshilish va tartibsizlik kuchayadi. Bu haqda euro-football.ru xabar beradi.
Matri ta'kidlashicha, aynan shu holat «Parma»ga qarshi uchrashuvda 80-daqiqada gol o'tkazib yuborilgach, vaziyatni o'nglash uchun zarur bosimni uyushtirishga xalaqit bergan.
«Milan»ning asosiy muammosi — oxirgi daqiqalardagi shoshilish. O'yinchilar mashg'ulotlarda o'rganganlarini ham, rejadagi yechimlarni ham unutib qo'yadi, darvozaga borish yo'llari yo'qoladi. Harakatlar betartib va shoshqaloq bo'lib qoladi, xatolar ko'payadi. Bu, avvalo, ruhiy masala», — dedi Matri pianetamilan.it nashriga.
Alessandro Matri 2019 yilda futbolchilik faoliyatini yakunlagan.
“Zamin”ni Telegramʻda oʻqing!
