Madridning «Real» klubi hujumchisi Gonsalo Garsiya Yevropa Chempionlar ligasida «Benfika»ga qarshi bo'ladigan uchrashuvni asosiy tarkibda boshlashi kutilmoqda. Kilian Mbappe jarohat oldi, uning qanchalik jiddiy ekani hozircha ochiqlanmadi. Bu haqda euro-football.ru xabar beradi.
Taxminlarga ko'ra, fransuz futbolchisi belgilangan muddatdan oldinroq safga qaytishi mumkin, biroq yaqin o'yinda Alvaro Arbeloa deyarli aniq tarzda jamoaning eng yaxshi to'purarisiz qoladi. Diario AS xabariga ko'ra, «qaymoqranglilar»ning start tarkibida Gonsalo Garsiya maydonga tushadi. 21 yoshli ispaniyalik futbolchi avval ham Mbappeni muvaffaqiyatli tarzda almashtira olgan.
«Real» — «Benfika» uchrashuvi bugun 01:00 da (Toshkent vaqti bilan) start oladi. Lissabonda o'tgan ilk bahsda madridliklar minimal hisobda g'alaba qozongan edi.
“Zamin”ni Telegramʻda oʻqing!
