Manchester Yunayted sobiq yarim himoyachisi Pol Skoulz Viktor Dyo'kereshning «Tottenxem»ga qarshi o'yindagi harakatlari haqida fikr bildirdi. Bu haqda euro-football.ru xabar beradi.
«Arsenal»ning shved hujumchisi London derbisida ikki bor raqib darvozasini ishg'ol qilib, jamoasining «shporlar» ustidan 4:1 hisobidagi yirik g'alabasiga katta hissa qo'shdi.
Skoulz The Good, The Bad and The Football dasturida Dyo'kereshning mehnatsevarligini alohida ta'kidlab, u bilan bir jamoada o'ynash yoqimli bo'lishini aytdi. Shuningdek, ekspert Viktor ehtimol, ko'pchilik ko'rgan eng tartibsiz himoyaga qarshi to'p surgan bo'lishi mumkinligini ham qo'shib o'tdi.
Joriy mavsumda 27 yoshli futbolchi barcha musobaqalarda 36 uchrashuvda maydonga tushib, 15 ta gol va 2 ta golli uzatma qayd etgan. Eslatib o'tamiz, u 2025 yil yozida Lissabondagi «Sporting»dan Angliyaga ko'chib o'tgan edi.
“Zamin”ni Telegramʻda oʻqing!
