Saudiya Arabistoni Pro-ligasida «Al-Nasr» «Al-Namdja»ni 5:0 hisobida yirik mag'lub etib, turnir jadvalida peshqadamlikka chiqib oldi. Uchrashuvdagi hisobni Krishtianu Ronaldu ochdi — u 7-daqiqadayoq penaltini aniq amalga oshirdi. Bu haqda euro-football.ru xabar beradi.
O'yin yakunlanganidan ko'p o'tmay 41 yoshli portugaliyalik yulduz ijtimoiy tarmoqlarda suratlar jamlanmasini ulashib, uni qisqa izoh bilan bezadi. Ronaldu: «Shunday davom eting!» — deb yozdi.
Bu gol bilan Ronaldu faoliyatidagi gollari sonini 965 taga yetkazdi. 1000 gol marrasi tobora yaqinlashmoqda.
Eslatib o'tamiz, o'tgan yili Ronaldu «Al-Nasr» bilan shartnomasini uzaytirgan — kelishuv 2027 yilning o'rtalarigacha mo'ljallangan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
