Angliyalik hujumchi Ueyn Runi 2013 yilda restoranda kutilmaganda afsonaviy Diego Armando Maradona bilan to'qnash kelganini esladi. Bu voqea Runi va «Manchester Yunayted» uchun Yevropa Chempionlar ligasi pley-offida Madridning «Real»iga qarshi omadsiz o'yindan keyin sodir bo'lgan. Bu haqda euro-football.ru xabar beradi.
O'sha paytda klubdagi so'nggi mavsumini o'tkazayotgan Aleks Fergyuson Runini zaxirada qoldirgan, bu esa hujumchini qattiq ranjitgan. O'yindan keyin asabiy va jahli chiqqan Runi restoran tomon yo'l oladi va u yerda «Xudoning qo'li» laqabli Maradonani ko'rib, hayratda qoladi.
Runi hikoya qilishicha, Maradona uni stoliga chorlab, tinchlantirishga uringan. So'ng esa kutilmaganda o'z bo'ynidagi galstukni yechib, Runiga sovg'a qilgan. «Bu ishonib bo'lmas, ammo juda chiroyli ishorat edi. Hozirgacha o'sha galstukni ehtiyotlab saqlayman», — deya Runining so'zlarini derbyderbyderby.it keltiradi.
Eslatib o'tamiz, Diego Maradona 2020 yilda vafot etgan. O'sha davrda Runi futbolchi sifatidagi so'nggi mavsumini o'tkazayotgan edi.
“Zamin”ni Telegramʻda oʻqing!
