Angliya terma jamoasining sobiq bosh murabbiyi Garet Sautgeyt “Manchester Yunayted”da ishlashi mumkinligi haqidagi xabarlarga munosabat bildirdi. OAV ma’lumotiga ko‘ra, mutaxassis Maykl Kerrikka ehtimoliy o‘rinbosarlar ro‘yxatida tilga olinmoqda. Bu haqda euro-football.ru xabar beradi.
Sautgeytning aytishicha, hozir u Angliya Premyer-ligasida jamoa boshqarish niyatida emas. “Ayni paytda APL klubida bosh murabbiy bo‘lish istagi yo‘q. Karyeramni tezda qayta boshlashga intilmayapman, bunga o‘zimning sabablarim bor. Hozir murabbiylik ishini qidirmayapman, hayotimda yangi bobni boshlamoqchiman”, — deya uning so‘zlarini The Mirror keltirdi.
Eslatib o‘tamiz, Sautgeyt 2016–2024 yillarda Angliya terma jamoasiga rahbarlik qilgan. Uning davrida inglizlar Yevropa chempionatida ikki bor kumush medal sohibiga aylangandi.
“Zamin”ni Telegramʻda oʻqing!
