Germaniya chempionatining 24-turi doirasidagi so'nggi uchrashuvda «Gamburg» o'z maydonida «RB Leyptsig»ni qabul qildi. Bu haqda euro-football.ru xabar beradi.
Mezbonlar o'yinni ehtiyotkor boshladi va 22-daqiqada qarshi hujumdan hisobni ochdi: Uilyam Mikelbrensisning hal qiluvchi uzatmasidan keyin Fabiu Viyeyra aniq zarba berdi — 1:0. Biroq «RB Leyptsig» tez orada javob qaytardi: Ridle Bakuning uzatmasini Romulo Kruz tovon bilan chiroyli yakunlab, muvozanatni tikladi — 1:1. Oradan ko'p o'tmay Kruz yana vaziyatga ega bo'ldi, ammo darvozabon uning dubl qayd etishiga yo'l qo'ymadi.
Ikkinchi bo'lim boshida «buqalar» oldinga chiqib oldi: Kruzning pasidan so'ng Yan Diomand jarima maydoni ichidan aniq zarba yo'lladi — 1:2. Ko'p o'tmay Nikolay Remberg qo'li bilan o'ynab qo'ydi va hakam penalti belgiladi, ammo Kruzning zarbasini darvozabon qaytardi. Shuningdek, Ezeikel Banzuzining qulay vaziyatdagi zarbasi nishonga bormagani ham yodda qoldi.
Natijada «RB Leyptsig» safarda 2:1 hisobida g'alaba qozonib, uch ochko bilan turnir jadvalida beshinchi o'rindagi mavqeini mustahkamladi. «Gamburg» esa 11-pog'onada qolmoqda.
“Zamin”ni Telegramʻda oʻqing!
