Yelagin Arsenalga ochko yo‘qotish qat’iyan mumkin emas dedi

Mashhur futbol sharhlovchisi Aleksandr Yelagin Angliya Premyer-ligasida chempionlik poygasida "Arsenal" va "Manchester Siti" o‘rtasidagi raqobat haqida fikr bildirdi. Bu haqda euro-football.ru xabar beradi.

Uning ta’kidlashicha, chempionlik masalasida ko‘p narsa jamoalarning o‘zaro uchrashuvida hal bo‘lishi mumkin. Hozircha "kanonirlar" kichik ustunlikka ega, biroq Pep Gvardiola qo‘lida o‘yinni o‘zgartira oladigan yetarli "kozur"lar bor. Yelagin "Arsenal" uchun eng muhimi — hech qanday holatda ochko yo‘qotmaslik ekanini qayd etdi.

So‘nggi turda "Arsenal" o‘z maydonida "Chelsi"ni 2:1 hisobida mag‘lub etdi.

Turnir jadvalida "Arsenal" 64 ochko bilan peshqadam, "Manchester Siti" esa besh ochkoga ortda bormoqda, biroq bir o‘yini zaxirada.