Osiyo Chempionlar ligasida yetti turdan keyin pley-offga chiqish imkoniyatini boy bergan “Shanxay Shenxua” 8-turda “Buriram Yunayted”ga qarshi maydonga tushdi. Leonid Slutskiy jamoasi turnir bilan xayrlashish oldidan hech bo'lmasa munosib yakun yasashga urinib ko'rdi, ammo bu safar ham natija chiqmadi. Bu haqda euro-football.ru xabar beradi.
Tailand klubi 2:0 hisobida g'alaba qozondi. “Buriram Yunayted” uchrashuvning dastlabki bo'limidayoq ikki bor raqib darvozasini ishg'ol qildi va o'yinning qolgan qismida vaziyatni to'liq nazorat qildi. Oradan ko'p o'tmay “Shanxay Shenxua” bir futbolchisini yo'qotib, kamchilikda qolganidan keyin intriga deyarli so'ndi.
Ma'lumot uchun, Leonid Slutskiyning “Shanxay Shenxua” bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
