Angliya Kubogining 5 raundi doirasida Londonning "Arsenal" klubi safarda "Mansfild Taun" mehmoni bo'ldi. Keskin kurashlarga boy o'tgan bahsda "to'pchilar" 1:2 hisobida g'alaba qozonib, turnirning keyingi bosqichiga yo'llanmani qo'lga kiritdi.
Uchrashuvning 41 daqiqasida N. Madueke hisobni ochib, mehmonlarni oldinga olib chiqdi. Ikkinchi bo'lim boshida, aniqrog'i 50 daqiqada U. Evans muvozanatni tiklashga muvaffaq bo'ldi. Biroq, 66 daqiqada E. Eze tomonidan kiritilgan gol "Arsenal"ga qimmatli g'alabani taqdim etdi.
Statistik ma'lumotlar o'yin davomida "Arsenal"ning yaqqol ustunlik qilganini ko'rsatadi. Londonliklar 67 foiz vaqt davomida to'p nazoratini o'z qo'lida ushlab turdi va raqib darvozasi tomon 21 marta zarba yo'lladi. "Mansfild Taun" esa 33 foiz to'p nazorati bilan cheklanib, atigi 9 ta zarba bera oldi. Paslar aniqligi bo'yicha ham "Arsenal" 88 foiz natija bilan yaqqol ustunlik qildi.
O'yin ancha qo'pol tus oldi. "Mansfild Taun" futbolchilari 13 marta qoida buzib, 4 ta sariq kartochka olgan bo'lsa, "Arsenal" 6 ta qoida buzish va 2 ta sariq kartochka bilan o'yinni yakunladi. Garchi mezbonlar munosib qarshilik ko'rsatishga uringan bo'lsa-da, "Arsenal"ning tajribasi va hujumdagi xilma-xillik yakuniy natijani hal qildi.
“Zamin”ni Telegramʻda oʻqing!
