Ommaviy axborot vositalari xabarlariga ko‘ra, Rossiya terma jamoasi 2026 yilgi jahon chempionatida ishtirok etishi mumkin. Bu variant Eron terma jamoasi musobaqada qatnashmasa, ko‘rib chiqilishi ehtimoli borligi aytilmoqda.
Ma’lum qilinishicha, Eron terma jamoasi hozircha turnirdan rasman chetlatilmagan. Biroq xalqaro siyosiy vaziyatning keskinlashishi sababli jamoaning AQSHda o‘tkaziladigan musobaqada ishtirok etishi noaniqligicha qolmoqda.
OAV ma’lumotlariga ko‘ra, agar Eron jahon chempionatidan chiqib ketsa yoki uning ishtiroki imkonsiz bo‘lib qolsa, FIFA uning o‘rnini bosadigan jamoani aniqlashiga to‘g‘ri keladi. Shu holatda Rossiya terma jamoasini musobaqaga taklif qilish ehtimoli muhokama qilinayotgan variantlardan biri sifatida tilga olinmoqda.
Eslatib o‘tamiz, 2026 FIFA World Cup turniri 48 ta jamoa ishtirokida o‘tkazilishi rejalashtirilgan.
Shu bilan birga, mutaxassislar bu masala hali rasmiy darajada tasdiqlanmaganini va qaror faqat FIFA tomonidan qabul qilinishi mumkinligini ta’kidlamoqda.
“Zamin”ni Telegramʻda oʻqing!
