Angliya Kubogining 5 bosqichida "Chelsi" jamoasi "Reksem" mehmoni bo'lib, muxlislarga haqiqiy futbol shousini taqdim etdi. Murosasiz kechgan bahs 4:2 hisobidagi mehmonlarning g'alabasi bilan yakunlandi. O'yin davomida mezbonlar munosib qarshilik ko'rsatgan bo'lsa-da, londonliklar o'z tajribasi evaziga keyingi bosqich yo'llanmasini qo'lga kiritdi.
Uchrashuvning 18 daqiqasida S. Smit hisobni ochib, "Reksem"ni oldinga olib chiqdi. Biroq 40 daqiqada yuz bergan avtogol muvozanatni tikladi. Ikkinchi bo'limda tomonlar yana bir bor gol almashishdi. Asosiy vaqt durang bilan yakunlangach, o'yin qo'shimcha bo'limlarga o'tdi. Qo'shimcha daqiqalarda "Chelsi" futbolchilari Alexandro Garnacho va Juan Pedro kiritgan gollar evaziga yakuniy natijani o'z foydasiga hal qildi.
Statistikaga ko'ra, "Chelsi" to'pga egalik qilish bo'yicha yaqqol ustunlik qildi va 69 foiz ko'rsatkichni qayd etdi. Shuningdek, londonliklar 1000 ta aniq pas uzatib, o'yin nazoratini to'liq o'z qo'lida ushlab turdi. "Reksem" safida Jorj Dobson 90+3 daqiqada qizil kartochka olib, maydonni muddatidan avval tark etdi. Bu mag'lubiyat mezbonlarning turnirdagi ishtirokini yakunladi.
“Zamin”ni Telegramʻda oʻqing!
