Ispaniya chempionati doirasida o'tayotgan markaziy uchrashuvlarning birida "Barselona" klubi Bilbao shahrida "Atletik" mehmoni bo'lmoqda. Birinchi taym yakunlariga ko'ra, jamoalar tanaffusga 0:0 hisobidagi durang bilan chiqib ketishdi.
O'yin davomida kataloniyaliklar to'p nazoratini to'liq o'z qo'llarida ushlab turishdi. Statistikaga ko'ra, "Barselona" 78 foiz vaqt davomida to'pga egalik qilgan va 370 ta aniq pas uzatgan. Shunga qaramay, "Atletik" himoyachilari tartibli o'yin ko'rsatib, raqib hujumlarini bartaraf etishga muvaffaq bo'lishdi. Mezbonlar esa qarshi hujumlarda o'z imkoniyatlarini kutishmoqda.
Ayni damda "Barselona" 65 ochko bilan La Liga turnir jadvalida peshqadamlik qilmoqda. Ularning asosiy ta'qibchisi "Real Madrid" 63 ochko bilan ikkinchi o'rinda bormoqda. "Barselona" uchun ushbu bahsda g'alaba qozonish chempionlik poygasidagi o'rnini mustahkamlash uchun juda muhim hisoblanadi. "Atletik Bilbao" esa 36 ochko bilan jadvalning o'rtalarida mustahkam o'rnashgan.
“Zamin”ni Telegramʻda oʻqing!
