UFC 326 turnirining barcha natijalari ma'lum bo'ldi

AQShning Las Vegas shahrida navbatdagi yirik jang kechasi – UFC 326 turniri bo'lib o'tdi. Kechaning markaziy to'qnashuvida mashhur jangchilar Maks Xollouey va Charlz Oliveyra BMF kamari uchun oktagonga ko'tarilishdi. Besh raund davom etgan shiddatli bahsda braziliyalik Charlz Oliveyra raqibidan ustun kelib, nufuzli kamarni qo'lga kiritdi.

Turnir doirasida boshqa qiziqarli janglar ham bo'lib o'tdi. Xususan, asosiy kardda Gregori Rodriges va Dryu Dober o'z raqiblarini muddatidan avval nokautga uchratishdi. Shuningdek, Raul Rosas va Kayo Borralo kabi jangchilar hakamlarning yakdil qarori bilan g'alabani tantana qilishdi.

Prelim bosqichida esa Rodolfo Bellato, Diyar Nurgojay, Sumudaerji, Niamjargal Tumendemberel, Alberto Montes, Donte Jonson hamda Kodi Garbrandt o'z janglarida muvaffaqiyat qozonishdi. Ayniqsa, Kodi Garbrandtning raqibi ustidan erishgan yorqin g'alabasi muxlislar e'tiborini tortdi. Umuman olganda, UFC 326 turniri kutilganidek murosasiz va tomoshabop janglarga boy o'tdi.

Shuhrat Razzakov

«ZAMIN.UZ» muharriri