FIFA xalqaro futbol tashkiloti Eron milliy terma jamoasining 2026 yilgi jahon chempionatidagi uchrashuvlarini boshqa mamlakatga ko‘chirish bo‘yicha takliflarni rad etdi.
Avvalroq Eron futbol federatsiyasi prezidenti Mehdi Toj tashkilot o‘z mamlakati terma jamoasi JCH-2026 turnirda AQSH o‘rniga Meksikada o‘ynash imkoniyatini muhokama qilishi haqida ma’lumot bergan edi. Bu harakat Eron tomonidan xalqaro hamkorlar bilan muzokaralar olib borilishi bilan bog‘liq edi.
Biroq, The Times nashrida xabar berilganidek, bunday taklif FIFA tomonidan rasman ko‘rib chiqilmagan va uni amalga oshirish “imkonsiz” deb baholangan. Chunki turnir chiptalari allaqachon sotilgan va o‘yinlarni boshqa davlatga ko‘chirish qarorlari boshqa ishtirokchi jamoalarning rejalariga ham salbiy ta’sir ko‘rsatadi.
Eron terma jamoasi JCH-2026 yo‘llanmasini qo‘lga kiritib, Belgiya, Misr va Yangi Zelandiya terma jamoalari bilan “G” guruhidan joy oldi. Shu bilan birga, jamoaning uchta musobaqadagi uchrashuvlari ham AQSH hududida o‘tkazilishi mo‘ljallangan.
FIFAning bu qarori jamoalarning musobaqa rejasi va fanatlar uchun chiptalar bilan bog‘liq barcha jihatlarni hisobga olgan holda qabul qilingani ta’kidlanadi.
“Zamin”ni Telegramʻda oʻqing!
