Yevropa Chempionlar ligasi 1/8 final javob uchrashuvida “Manchester Siti” o‘z maydonida Madridning “Real” klubini qabul qildi. Ilk bahsdagi yirik hisobdagi ustunlikdan keyin ham ispaniyaliklar ishonchli o‘yin namoyish etib, navbatdagi bosqichga chiqishni ta’minladi.
Uchrashuvning 22-daqiqasida Vinisius Junior penalti orqali hisobni ochdi. Ushbu goldan oldin “shaharliklar” yarim himoyachisi Bernardu Silva qizil kartochka olib, maydonni tark etdi va jamoasini qiyin holatda qoldirdi. Bir futbolchi kam bo‘lib o‘ynaganiga qaramay, “Siti” kurashni davom ettirdi va 41-daqiqada Erling Xoland hisobni tenglashtirishga muvaffaq bo‘ldi.
Ikkinchi bo‘limda har ikki jamoa ehtiyotkorlik bilan harakat qildi. Ammo uchrashuv so‘nggi daqiqalarida madridliklar yana ustunlikni qo‘lga oldi — 90+3-daqiqada Vinisius ikkinchi golini kiritib, o‘yinga yakuniy nuqta qo‘ydi.
YECHL. 1/8 final.
"Manchester Siti" – "Real Madrid" 1:2 (Birinchi o‘yin - 0:3)
Gollar: Holand 41 – Vinisius 22 penalti, 90+3
Manchester Siti – Donnarumma, Diash (Gehi, 46), Nunes (Semenyo, 57), Husanov, Ait-Nuri, Rodri, Silva, Reynders (Ake, 46), Sherki, Dok-u, Holand (Marmush, 57).
Real – Kurtua (Lunin, 46), Trent, Ryudiger, Heysen, Fran Garsiya, Valverde, Chuameni, Dias, Tiago, Guler, Vinisius.
Ogohlantirishlar: Gvardiola 25, Husanov 45+4
E’tiborli jihati, mazkur bahsda O‘zbekiston milliy jamoasi himoyachisi Abduqodir Husanov to‘liq 90 daqiqa davomida maydonda harakat qildi va jamoasi safida faol ishtirok etdi.
Shu tariqa, ikki o‘yin natijasiga ko‘ra ustunlikni saqlab qolgan “Real Madrid” chorakfinalga yo‘l oldi va Chempionlar ligasidagi yurishini davom ettiradi.
“Zamin”ni Telegramʻda oʻqing!
