Portugaliya milliy terma jamoasi bosh murabbiyi Roberto Martines «An Nasr» klubi hujumchisi va dunyo futboli yulduzi Krishtianu Ronaldu haqida fikr bildirib, uning ahamiyati va maydondagi faoliyatini keng tushuntirdi.
Martines taʼkidlamoqda: «Ronaldu atrofida doim muhokamalar bo‘lishi tabiiy. U futbol tarixini o‘zgartirgan beqiyos va tarixiy shaxs. Hatto liftda bo‘lsangiz ham odamlar yo havo haqida, yo Ronaldu haqida gapiradi. Har bir insonning fikri bor, lekin ko‘pincha bu fikrlar uning avvalgi davrdagi o‘yiniga asoslanadi. Eng katta xato — uning hozirgi holatini inobatga olmaslik. Yevro chempionatidan keyin “Portugaliya Ronaldu sabab yutmadi” degan gaplar bo‘ldi. Millatlar ligasida g‘alaba qozonsak, endi “Ronaldu ketgach nima bo‘ladi?” degan savol paydo bo‘lyapti».
Murabbiy Krishtianuning fizik holatini emas, balki uning aql va mentalitetini eng muhim omil sifatida qarashini taʼkidlaydi: «Men har doim futbolchida avvalo tana emas, bosh “to‘xtaydi” deb hisoblaganman. Lekin Krishtianuning aqli hali bunday qaror qabul qilgani yo‘q — na 40, na 41 yoshida. Top futbolchi bu isteʼdod emas, mentalitet va barqarorlikdir. U endi “Manchester Yunayted” yoki “Real”dagi eski vinger emas, jarima maydonidagi aniq va samarali “to‘qqizlik”. Biz uning harakatlariga bog‘liqmiz: u bo‘sh hudud yaratadi va gol uradi».
Shuningdek, Martines oxirgi uch yilda Ronalduning milliy jamoadagi ishonchli harakatlarini ham eʼtirof etadi: «30 ta bahsda 25 ta gol, bu faqat mehnat bilan qo‘lga kiritilgan natija. Hozirgi holatni baholasam, isteʼdod, tajriba va munosabatlarning uyg‘unligi ajoyib. Qarorlar kabinetda emas, maydonda qabul qilinadi».
Martines so‘zlariga ko‘ra, Ronaldu hali ham terma jamoa uchun asosiy harakatlantiruvchi kuch bo‘lib, uning tajribasi va intellektual hissiyotlari jamoaga muhim taʼsir ko‘rsatmoqda.
Endi terma jamoa muxlislari nafaqat gollarni, balki Ronalduning maydondagi murakkab harakatlarini ham chuqur qadrlaydilar.
“Zamin”ni Telegramʻda oʻqing!
