Italiya milliy terma jamoasi delegatsiyasi rahbari Janluiji Buffon Jahon chempionati–2026 pley-off finalida Bosniya va Gersegovinaga qarshi (1:1, penaltilar — 1:4) uchrashuvdan so‘ng o‘z fikrlari bilan o‘rtoqlashdi. Bu mag‘lubiyat Italiya uchun ketma-ket uchinchi bor jahon chempionatiga yo‘l ololmaslik bilan yakunlandi.
Uchrashuvdan so‘ng, Italiya futbol federatsiyasi raisi Gabriele Gravina Jennaro Gattuzo va Buffondan jamoada qolishni so‘raganini maʼlum qildi. Buffon esa hozirgi vaziyatning juda nozik va hal qilish uchun diqqat talab qiladigan palla ekanini taʼkidladi.
“Hozirgi palla juda nozik. Vaziriyat va federatsiya bilan birgalikda vaziyatni xolis va to‘g‘ri baholashimiz uchun vaqt kerak. Mavsum iyunda yakunlanadi, shu bois shu vaqtgacha qolish federatsiya, prezident va ishongan barcha insonlarga nisbatan adolatli qaror bo‘ladi”, — dedi Buffon.
Uning fikricha, agar jamoaning o‘yinida ijobiy o‘zgarish va rivojlanish kuzatilsa, bu juda quvonarli bo‘ladi. Ammo asosiy maqsad – Jahon chempionatiga chiqish edi va bu imkoniyatdan mahrum bo‘lish haqiqatan ham og‘riqli.
Buffon hozir aniq va adekvat qaror qabul qilish uchun vaziyatni chuqur tahlil qilish kerakligini taʼkidlab, iyungacha hozirgi pozitsiyada qolishini maʼlum qildi va keyin esa keyingi rejalarni belgilashini aytdi.
Italiya muxlislari va futbol dunyosining eʼtibori endi terma jamoaning keyingi harakatlariga qaratilgan.
“Zamin”ni Telegramʻda oʻqing!
