“Barselona” va Ispaniya milliy jamoasi vingeri Lamin Yamal Ispaniya hamda Misr o‘rtasidagi do‘stona o‘yinda (0:0) sodir bo‘lgan haqoratli qichqiriqlar haqida fikr bildirdi. Bellashuv Barselona shahrida bo‘lib o‘tdi. Taxminan 20-daqiqada muxlislarning bir qismi «Kim sakramasa, u musulmon» degan qichqiriqlarni yangratdi, baʼzi tomoshabinlar esa shu qichqiriqqa mos ravishda sakray boshladi.
Yamal o‘z fikrida taʼkidladi: «Men musulmonman, alhamdulillah. Kecha stadionda shu qichqiriqlar yangradi. Bilaman, bu asosan raqib jamoaga qaratilgan va shaxsan menga emas. Lekin musulmon sifatida bu men uchun hurmatsizlik va qabul qilinmaydigan holatdir».
U barcha muxlislarga murojaat qilib, dinga bog‘liq hazillar haqorat va irqchilikni yuzaga keltirishi mumkinligini eslatdi: «Futboldan zavq olish va jamoani qo‘llab-quvvatlash kerak, odamlarni ularning dini yoki shaxsiy eʼtiqodi uchun haqorat qilish kerak emas».
Shu bilan birga, Yamal barcha muxlislarga tashakkur bildirib, ularning qo‘llab-quvvatlashi uchun minnatdorlik izhor qildi va: «Jahon chempionatida ko‘rishguncha», deb yakunladi.
“Zamin”ni Telegramʻda oʻqing!
