“Barselona” hujumchisi Lamin Yamal Kataloniya derbisida “Espanyol” ustidan qo‘lga kiritilgan yirik g‘alabadan so‘ng ijtimoiy tarmoqlarda keskin va eʼtiborni tortgan post qoldirdi.
Ushbu uchrashuvda “Barselona” raqibini 4:1 hisobida mag‘lub etdi. Yamal esa jamoasining g‘alabasida katta rol o‘ynab, bitta gol urib, ikki golli uzatmani amalga oshirdi va o‘yinning eng faol futbolchilaridan biri bo‘ldi.
Bahs yakunidan so‘ng yosh vinger o‘zining ijtimoiy tarmoq sahifasida qisqa, lekin keskin mazmundagi post joyladi:
«Barselona — ko‘k-anorrang! Buni har doimgidek yutib yuborishga to‘g‘ri keladi», — deb yozdi Yamal.
Bu bayonot muxlislar orasida tez tarqaldi va keng muhokamalarga sabab bo‘ldi. Ko‘pchilik uning so‘zlarini derbidagi raqobat ruhining ochiq ifodasi sifatida baholadi.
Shu tariqa, yosh yulduz Kataloniya derbisidagi ishonchli g‘alabadan so‘ng raqibga nisbatan kinoyali va o‘tkir fikr bildirib, yana bir bor diqqat markaziga tushdi.
“Zamin”ni Telegramʻda oʻqing!
