O‘zbekiston yoshlar terma jamoasi taekvondo WT bo‘yicha Toshkent–2026 jahon chempionatida yana bir muvaffaqiyat qayd etdi. Jamoa musobaqada o‘zining ikkinchi medalini qo‘lga kiritib, umumiy natijalar jadvalini yana-da yaxshiladi.
-48 kg vazn toifasidagi vakil Yosinbek Odilov barcha raqiblarini mahorat va ishonch bilan ortda qoldirib, musobaqada faxrli birinchi o‘rinni egalladi hamda oltin medalni qo‘lga kiritdi.
Final bellashuvida u O‘mon terma jamoasi vakili Dovud Al-Yusufiyga qarshi tatamiga chiqdi. Keskin va murosasiz kechgan bahsda hamyurtimiz ustunlikni saqlab qoldi va jami 2:0 hisobida (5/1, 11/9) g‘alaba qozondi.
Yosinbek Odilov ushbu chempionatda o‘zining eng yuqori natijasini qayd etib, O‘zbekistonga oltin medal olib keldi. Shu tariqa mamlakat hisobidagi medallar soni 2 taga yetdi — 1 ta oltin va 1 ta kumush.
Jahon chempionatida yoshlarimizning bunday natijalari O‘zbekiston taekvondosining salohiyati yana-da yuqori ekanini ko‘rsatmoqda.
“Zamin”ni Telegramʻda oʻqing!
