Yevropa klub futbolida eng nufuzli musobaqalardan biri — UEFA Yevropa Chempionlar ligasi doirasida chorakfinal bosqichining javob uchrashuvlari start olmoqda. Bu bosqich har doimgidek keskin intriga, yuqori surʼat va kutilmagan burilishlar bilan muxlislar eʼtiborini o‘ziga tortadi.
Bugungi kunning eng qiziqarli qarama-qarshiliklaridan biri — Liverpool FC va Paris Saint-Germain o‘rtasidagi uchrashuvdir. Asl bellashuv aynan shu ikki grant jamoa o‘rtasida bo‘lib o‘tmoqda. Mazkur o‘yin Toshkent vaqti bilan soat 23:59 da start oladi.
Maydon egalari bo‘lgan “qizillar” bu safar ham kuchli tarkib bilan chiqishga tayyor. Darvozada Giorgi Mamardashvili ishonchli o‘yin ko‘rsatishi kutilmoqda. Himoya chizig‘ida Virjil van Deyk va Ibrahima Konate jamoa muvozanatini ushlab turishga harakat qiladi. Yarim himoyada esa Mak Allister, Soboslay va Gravenberx o‘yin tempini belgilaydi. Hujumda Isak va Ekitike raqib darvozasiga xavf solishi kutilmoqda.
“Liverpul” tarkibi: Mamardashvili, van Deyk, Konate, Kerkez, Virts, Soboslay, Mak Allister, Isak, Ekitike, Frimpong, Gravenberx.
Mehmonlar — Parij jamoasi ham javob o‘yiniga maksimal tayyorgarlik bilan chiqmoqda. Darvozada Matvey Safonov, himoyada Hakimi, Nunu Mendesh va Markinyos ishonchli to‘siq bo‘lishga harakat qiladi. Yarim himoyada Vitinya, Nevesh va Zair-Emeri o‘yinni nazorat qilishga intiladi. Hujum chizig‘ida esa Usmon Dembele hamda Xvicha Kvarasxeliya kabi tezkor futbolchilar hal qiluvchi rol o‘ynashi mumkin.
“PSJ” tarkibi: Safonov, Hakimi, Nunu Mendesh, Markinyos, Zair-Emeri, Due, Pacho, Nevesh, Vitinya, Dembele, Xvicha.
Bunday darajadagi uchrashuvlarda har bir daqiqa, har bir pas va har bir xato taqdirni hal qilishi mumkin. Bir gol butun tarixni o‘zgartirib yuborishga qodir. Shuning uchun muxlislarni nafaqat keskin, balki emotsional va kutilmagan voqealarga boy o‘yin kutib turibdi.
Hamma nigohlar endi maydonga qaratilgan — qaysi jamoa yarim final yo‘llanmasini qo‘lga kiritadi, buni faqat o‘yin ko‘rsatadi.
“Zamin”ni Telegramʻda oʻqing!
