Chempionlar ligasi qizg‘in pallasi: bugun ikki javob uchrashuvi kutilmoqda
Championlar ligasining chorak final bosqichida bugun ikkita muhim javob uchrashuvlari bo‘lib o‘tadi. "Bavariya" va "Arsenal" jamoalari ilk bahslarda g‘alaba qozongan bo‘lib, hozirda kichik ustunlikka ega. Ushbu bellashuvlar Toshkent vaqti bilan soat 00:00 da start oladi. Jamoalar yarim final yo‘llanmasi uchun keskin kurashishlari kutilmoqda.
Yevropa klub futbolida eng nufuzli musobaqalardan biri — Yevropa Chempionlar ligasi chorak final bosqichining javob uchrashuvlari davom etmoqda. Bugun ushbu hal qiluvchi bosqich doirasida ikki muhim to‘qnashuv bo‘lib o‘tadi.
Avvalgi uchrashuvda ustunlikka ega bo‘lgan “Bavariya” o‘z maydonida “Real Madrid”ni qabul qiladi. Myunxenliklar ilk o‘yinda 2:1 hisobida g‘alaba qozonib, javob bahsi oldidan kichik ustunlikka ega bo‘lib turibdi. Qarshi uchrashuv Toshkent vaqti bilan soat 00:00 da start oladi.
Shu bilan bir vaqtda ikkinchi juftlikda “Arsenal” hamda “Sporting” jamoalari ham o‘zaro kuch sinashadi. Birinchi o‘yinda Mikel Arteta boshchiligidagi londonliklar 1:0 hisobida g‘alaba qozongani ularga kichik afzallik beradi.
Endi esa barcha nigohlar hal qiluvchi uchrashuvlarga qaratilgan. Har ikki bellashuv ham yuqori darajadagi intriga, kuchli kurash va kutilmagan burilishlarga boy bo‘lishi kutilmoqda. Jamoalarni yarim final yo‘llanmasi uchun keskin va shiddatli jang kutib turibdi.
Izohlar 0
…