“Arsenal” bosh murabbiyi Mikel Arteta Chempionlar ligasi yarim finaliga chiqishdan keyin jamoaning asosiy kamchiligi haqida ochiq fikr bildirdi. London klubi chorak finalda “Sporting”ni ikki uchrashuv natijasiga ko‘ra mag‘lub etib, keyingi bosqichga yo‘l oldi.
Ilk o‘yinda “to‘pchilar” mehmon maydonida minimal — 1:0 hisobida g‘alaba qozongan bo‘lsa, javob uchrashuvi 0:0 durang bilan yakunlangan. Shu natijalar orqali “Arsenal” yarim final yo‘llanmasini qo‘lga kiritdi.
Arteta esa jamoa o‘yinidagi asosiy muammo sifatida to‘p nazoratini kuchaytirish zarurligini taʼkidladi. Uning so‘zlariga ko‘ra, hozirgi bosqichda jamoa to‘p bilan ishlash va o‘yinni nazorat qilishda kamchiliklarga ega.
Shu bilan birga, murabbiy futbolchilarning ruhiyati, intizomi va munosabati yuqori darajada ekanini alohida qayd etdi. U aynan shu jihatlar qiyin vaziyatlarda jamoaga yordam berayotganini aytdi.
Arteta TNT Sports‘ga bergan izohida: “Hozir to‘p nazoratida qiynalyapmiz. O‘yinni yaxshiroq boshqarishimiz kerak. Lekin futbolchilarning xarakteri va munosabati joyida — bu bizga og‘ir vaziyatlarni yengib o‘tishda katta kuch berayapti,” dedi.
Eslatib o‘tish joiz, yarim finalda “Arsenal” "Atletiko Madrid"ga qarshi maydonga tushib, finalga yo‘l olish uchun kurash olib boradi.
“Zamin”ni Telegramʻda oʻqing!
