“Inter” ishonchli g‘alaba bilan chempionlik sari yaqinlashmoqda

Italiya A Seriyasining 33-turida “Inter” o‘z maydonida “Kalyari”ni qabul qilib, ishonchli va ustun o‘yin namoyish etdi. Milan shahrida bo‘lib o‘tgan ushbu uchrashuv mezbonlarning to‘liq ustunligi ostida kechdi va yakunda 3:0 hisobidagi yirik g‘alaba bilan yakunlandi.

Uchrashuvning birinchi bo‘limida har ikki jamoa ehtiyotkorlik bilan harakat qildi, ammo tanaffusdan keyin “Inter” hujumlarini keskin oshirdi. 52-daqiqada Markus Tyuram hisobni ochib, jamoasini oldinga olib chiqdi. Oradan ko‘p o‘tmay, 56-daqiqada Nikolo Barella hisobdagi ustunlikni mustahkamladi.

Bellashuvning so‘nggi daqiqalarida esa maydonga yangi tushgan Pyotr Ziyelinski 90+2-daqiqada aniq zarba bilan hisobni yirik ko‘rinishga olib keldi va o‘yinga yakun yasadi.

A Seriya, 33-tur

Inter – Kalyari 3:0

Gollar: Tyuram 52, Barella 56, Ziyelinski 90+2

Inter: Martines, Akanji, de Vrey, Karlos Augusto, Dyumfris, Barella, Chalxono‘g‘li, Dimarko (Luis Enrike, 76), Mxitaryan (Ziyelinski, 76), Tyuram (Bonni, 76), Espozito.

Kalyari: Kaprile, Palestra, Adopo, Gaetano, Rodriges, Sulemana, Mina, Borrelli (Mendi, 57), Ze Pedro, Obert (Zappa, 76), S. Espozito.

Ushbu g‘alaba orqali “Inter” ochkolar sonini 78 taga yetkazib, chempionlik poygasida yana-da mustahkam pozitsiyaga ega bo‘ldi. Jamoa har bir turda o‘z maqsadiga tobora yaqinlashmoqda. “Kalyari” esa 33 ochko bilan turnir jadvalida 16-pog‘onada qolmoqda va quyi o‘rinlardan uzoqlashish uchun kurashni davom ettiradi.