Diyego Simeone Ispaniya Kubogi finali oldidan jurnalistlarga o‘z fikrlarini bildirib, jamoa ruhiyati va tayyorgarligi haqida gapirdi. Madridning "Atletiko Madrid" jamoasi hal qiluvchi bahsda "Real Sosyedad"ga qarshi maydonga tushadi.
Simeone har bir final sportchi uchun alohida ahamiyatga ega ekanini taʼkidlab, g‘alaba uchun oxirigacha kurashish zarurligini aytdi. Uning so‘zlariga ko‘ra, jamoa so‘nggi o‘yinlarda katta yuklamani boshdan kechirgan bo‘lsa-da, bu ularni yana-da pishitgan.
"Har qanday sportchi uchun finalda o‘ynash va g‘alaba uchun bor kuchini berish qanchalik muhimligini yaxshi bilamiz", — dedi Simeone.
Mutaxassis seshanba kuni “Barselona”ga qarshi o‘tkazilgan (1:2) o‘yinni ham esga olib o‘tdi. Ushbu natija jamoaga UEFA Chempionlar ligasi yarim finaliga yo‘l ochganini taʼkidladi, lekin endi barcha eʼtibor yangi vazifaga qaratilganini aytdi.
"Seshanba kuni biz muhim o‘yin o‘tkazdik — “Barselona”ga qarshi (1:2), bu natija Chempionlar ligasi yarim finaliga chiqishimizga yordam berdi. Ammo hozir biz yana reallikka qaytdik.,” degan Simeone, raqib juda uyushgan va turli hujum variantlariga ega jamoa ekanini alohida urg‘u berdi. Shu sababli, final oldidan har bir detal ustidan jiddiy ish olib borilayotganini bildirdi.
"Biz kuchli raqibga qarshi qanday qiyinchiliklar kutilayotganini tushunamiz. Ular turli hujum sxemalariga ega jamoa", — dedi Simeone.
Uning taʼkidlashicha, g‘alaba qozonish uchun "Atletiko Madrid" maydonga to‘liq tayyorlik, maksimal konsentratsiya va xarakter bilan chiqishi shart. Simeone uslubi o‘ziga xos — emotsiya ko‘p, talab yuqori, natija esa doim birinchi o‘rinda.
"Shu bois, g‘alaba qozonish uchun maydonga to‘liq tayyor holda chiqishni reja qilyapmiz", — dedi Simeone.
Qisqasi, final oldidan signal aniq: “Atletiko” hech narsani tasodifga qoldirmoqchi emas.
“Zamin”ni Telegramʻda oʻqing!
