Sancho erkin agent sifatida «Borussiya Dortmund»ga qaytadi
Angliyalik vinger Jeydon Sancho "Manchester Yunayted" bilan shartnomasi yakunlangach, erkin agent sifatida yana "Borussiya Dortmund" safiga qaytishga qaror qildi. Hozirda "Aston Villa"da ijara asosida to'p surayotgan 26 yoshli futbolchining transferiga Dortmund klubi rahbariyati va bosh murabbiyi Niko Kovach allaqachon rozilik bergan. Sancho Germaniyadagi faoliyati davomida yuksak natijalar qayd etgan bo'lsa-da, so'nggi mavsumlarda uning o'yin samaradorligi biroz pasaygani kuzatilmoqda. Nemis klubi o'zining sobiq yulduzini tekinga qo'lga kiritish orqali jamoa hujum chizig'ini kuchaytirishni ko'zlamoqda.
Angliyalik vinger Jeydon Sancho «Manchester Yunayted» bilan shartnomasi yakunlangach, yana «Borussiya Dortmund» safiga qo'shilishga tayyorligini bildirdi. 26 yoshli futbolchi joriy yozda erkin agentga aylanadi va uchinchi bor «Signal Iduna Park» stadionida to'p surish niyatida. Hozirda u ijara asosida «Aston Villa» sharafini himoya qilmoqda. Bu haqda Goal.com xabar beradi.
«Borussiya Dortmund» sport direktori Ole Buk va bosh ijrochi direktor Lars Riken sobiq yulduzni o'rtaga qaytarish masalasini ko'rib chiqmoqda. Jamoa bosh murabbiyi Niko Kovach ushbu transferga allaqachon yashil chiroq yoqqan. Murabbiy Germaniyada o'zining eng yaxshi yillarini o'tkazgan futbolchining salohiyatiga ishonch bildirmoqda.
Sancho faoliyati davomida 2017-2021 yillarda Dortmundda porlagan va 73 million funt evaziga «Manchester Yunayted»ga o'tgan edi. Biroq Premyer-ligada o'z o'rnini topa olmagach, 2023-24 yilgi mavsumning ikkinchi qismini ijara asosida «Borussiya»da o'tkazib, jamoaning Yevropa Chempionlar ligasi finaliga chiqishiga yordam berdi.
Statistik ma'lumotlarga ko'ra, Sanchoning so'nggi natijalari biroz pasaygan. U «Aston Villa» safida 33 ta o'yinda maydonga tushib, bor-yo'g'i bitta gol va uchta assist qayd etdi. Taqqoslash uchun, vinger Dortmunddagi birinchi davrida 137 ta uchrashuvda 114 ta golda bevosita ishtirok etgan edi. Nemis klubi rahbariyati 2026-27 yilgi mavsum oldidan futbolchini tekinga qo'lga kiritish imkoniyatini yuqori baholamoqda.
Izohlar 0
…