Gyokeres 18 ta gol urishiga qaramay Artetaning asosiy tarkibiga kirmadi
Londonning "Arsenal" klubi hujum chizig‘idagi muammolarni hal qilish uchun Viktor Gyokeresni 55 million funt evaziga o‘z safiga qo‘shib oldi. Shvetsiyalik hujumchi barcha turnirlarda 18 ta gol urgan bo‘lsa-da, Premyer-ligadagi o‘yinlarida kutilgan barqarorlikni to‘liq namoyish eta olmayapti. Shu sababli Mikel Arteta ba’zan Kay Havertsni "soxta to‘qqizlik" sifatida maydonga tushirmoqda, ekspertlar esa jamoaga yanada keskinroq to‘purar zarurligini ta’kidlashmoqda. Agar Gyokeres o‘z o‘yini orqali tanqidlarga munosib javob bera olmasa, "kanonirlar"ning chempionlik uchun imkoniyatlari xavf ostida qolishi mumkin.
Londonning "Arsenal" klubi 2025 yilda Shvetsiya terma jamoasi hujumchisi Viktor Gyokeresni 55 mln funt sterling evaziga o'z safiga qo'shib oldi. Mikel Arteta boshchiligidagi jamoa ushbu transfer orqali hujum chizig'idagi muammolarni hal qilishni ko'zlagan edi. Gyokeres Portugaliyaning "Sporting" klubi safida 102 ta o'yinda 97 ta gol urib, Yevropaning eng sermahsul hujumchilaridan biri sifatida e'tirof etilgan. Bu haqda Goal.com xabar beradi.
Biroq 27 yoshli futbolchi Angliya Premyer ligasidagi debyutidan so'ng kutilgan darajada barqarorlik namoyish eta olmayapti. U barcha turnirlarda 18 ta gol urgan bo'lsa-da, chempionat doirasida atigi 12 bor raqiblar darvozasini ishg'ol qildi. Shu sababli murabbiylar shtabi ba'zan Kay Xavertsni "soxta to'qqizlik" pozitsiyasida maydonga tushirishga majbur bo'lmoqda.
Klubning sobiq hujumchisi Pol Dikovning fikricha, "Arsenal" hali ham chempionlik poygasli uchun asosiy bo'lakni topa olgani yo'q. Uning ta'kidlashicha, jamoaga "Man Siti" yulduzi Erling Xoland kabi har qanday vaziyatda gol ura oladigan yetakchi kerak. Dikov Xaverts va Gyokeresni iqtidorli deb hisoblasa-da, ularda o'yin taqdirini hal qiluvchi keskinlik yetishmasligini qayd etdi.
Hozirda Gyokeres "Arsenal" tarkibida Premyer ligada o'ntadan ortiq gol urgan yagona futbolchi bo'lib turibdi. Bukayo Saka va Eberechi Eze hisobida oltitadan gol mavjud. Agar shvetsiyalik hujumchi o'z o'yini bilan tanqidlarga javob bera olmasa, London klubining chempionlik poygasidagi imkoniyatlari so'roq ostida qolishi mumkin.
Izohlar 0
…