«Lokomotiv» va «Bunyodkor» mavsumdagi ilk mag‘lubiyatini qabul qilib oldi

Toshkentning «Lokomotiv» va «Bunyodkor» klublari Oliy liganing 2017 yilgi mavsumida ilk mag‘lubiyatini qabul qilib oldi, deb yozadi "Daryo.uz" nashri.

Sergey Lushchan boshqaruvidagi «Bunyodkor» o‘z maydonida «Qizilqum»ni qabul qilib, 0:1 hisobida yengildi. Bunga qadar «qaldirg‘ochlar» «So‘g‘diyona» ustidan 1:0 hisobida zafar quchgan, «Olmaliq» hamda «Obod» bilan durang o‘ynagandi.

«Lokomotiv» esa «Sho‘rtan» maydonida 2 ta gol farqi bilan mag‘lub bo‘ldi — 0:2. O‘yinga ikki kun vaqt qolganida «Sho‘rtan» bosh murabbiy Aleksandr Volkovni iste’foga chiqargan va ikki futbolchi bilan shartnomani bekor qilgandi. Shundan keyin klub O‘zbekiston chempioni ustidan zafar quchishga erishdi. “Zamin”ni Telegramʻda oʻqing!