Chelsi vaqtinchalik bosh murabbiyi Kalum Makfarleyn Jeymi Karragerning klubni "sinib bo'lgan" deb atagan fikrlariga keskin munosabat bildirdi. Jamoa shanba kuni Liverpul mehmoni bo'ladi va ketma-ket oltita mag'lubiyatdan iborat salbiy seriyani to'xtatishga urinadi. Bu haqda Goal.com xabar beradi.
Nottingem Forestga qarshi o'yindagi mag'lubiyatdan so'ng, Angliya Premer-ligasida olti o'yindan beri ochko ololmayotgan Chelsi atrofida turli mish-mishlar ko'paydi. Karrager jamoa ichidagi muhit butunlay izdan chiqqanini ta'kidlagan bo'lsa-da, Makfarleyn bu gaplarni rad etdi.
"Men kiyinish xonasida hech qanday janjal yoki kelishmovchilikni ko'rmadim. Ular o'z iqtidori va ruhiyati bilan yuqori darajaga chiqqan elit futbolchilar. Biz shunchaki ularning salohiyatini to'liq ochib berishimiz kerak", - dedi Makfarleyn.
Chelsi 74 yillik antirekordni takrorlamaslik uchun Liverpulga qarshi bahsda bor kuchini ishga solishi kerak. Murabbiy futbolchilarning professionalligiga ishonishini va murabbiylar shtabi jamoani inqirozdan olib chiqish uchun barcha choralarni ko'rayotganini qo'shimcha qildi.
“Zamin”ni Telegramʻda oʻqing!
