Manchester Siti bosh murabbiyi Pep Guardiola Fil Foden bilan yangi shartnoma borasida muzokaralar yakuniy bosqichga yetganini tasdiqladi. Angliya terma jamoasi yarim himoyachisi klub bilan 2030-yilga qadar mo‘ljallangan yangi bitimni imzolashi kutilmoqda. Bu haqda Goal.com xabar beradi.
Shuningdek, klub Josko Gvardiol bilan ham hamkorlikni uzaytirish niyatida. Xorvatiyalik himoyachi jarohatidan forig‘ bo‘lib, mashg‘ulotlarga qaytdi. Guardiola uning universal o‘yinchi ekanligini ta’kidlab, uning jamoada qolishini istashini bildirdi.
Murabbiy muzokaralar ijobiy ruhda o‘tayotganini, biroq hali rasmiy hujjatlar imzolanmaganini qayd etdi. "Sport direktori bilan gaplashdim, Foden bilan kelishuvga juda yaqinmiz. Umid qilamanki, barchasi ijobiy yakunlanadi", - dedi kataloniyalik mutaxassis.
Gvardiol o‘tgan mavsumda Manchester Siti uchun muhim o‘yinchi bo‘lgan edi. Pep Guardiola uning safga qaytishi jamoa uchun mavsumning hal qiluvchi pallasida katta yordam berishiga ishonch bildirmoqda.
“Zamin”ni Telegramʻda oʻqing!
