Real Madrid jamoasining kelasi mavsumdagi murabbiyi kim bo‘lishi borasidagi bahslar qizg‘in davom etmoqda. OAVda Joze Mourinyu nomzodi asosiy da’vogar sifatida tilga olinayotgan bo‘lsa-da, klub afsonasi Iker Casillas bu borada o‘zining kutilmagan tanlovini ma’lum qildi. Bu haqda Goal.com xabar beradi.
Barselonada bo‘lib o‘tgan tadbirda Iker Casillas Mourinyuning qaytishi haqidagi savollarni chetlab o‘tib, o‘zining favoritini ochiqladi. Uning so‘zlariga ko‘ra, Bayer Leverkusen jamoasida o‘zini ko‘rsatgan Xabi Alonso Real Madrid uchun “mukammal murabbiy” hisoblanadi.
Casillas sobiq jamoadoshi bo‘lgan Xabi Alonsoning o‘yin tizimi va taktik yondashuvini yuqori baholadi. Uning fikricha, aynan Alonso jamoani yangi bosqichga olib chiqishga qodir mutaxassisdir.
Shu bilan birga, Real Madrid ichki muhitida murabbiylar shtabi bilan bog‘liq muammolar hamon dolzarb. Vinicius Junior va Fede Valverde kabi yetakchi futbolchilarning avvalgi murabbiylik uslublariga nisbatan tanqidiy qarashlari jamoa ichidagi kelishmovchiliklarni yanada kuchaytirgan edi.
“Zamin”ni Telegramʻda oʻqing!
