Bavariya hujumchisi Nikolas Jekson mavsum yakunida klubni tark etishi kutilmoqda. Garchi futbolchi jamoa bosh murabbiyi Vinsent Kompani rejalariga kirgan bo‘lsa-da, moliyaviy omillar transferga to‘sqinlik qilmoqda. Bu haqda Goal.com xabar beradi.
Germaniya futboli afsonasi Lotar Matteusning Sky90 telekanaliga bergan intervyusiga ko‘ra, Kompani Jeksonning mahoratiga to‘liq ishonadi va uni Myunxenda saqlab qolishni istagan. Biroq, futbolchining transfer qiymati Bavariya rahbariyati uchun juda qimmatlik qilmoqda.
Jekson ayni damda Chelsi klubidan ijaraga olingan. Bavariya o‘tgan yili ijaraga 16,5 million yevro to‘lagan bo‘lsa-da, 65 million yevrolik to‘liq sotib olish sharti klub byudjeti uchun yuqori deb baholanmoqda. Sport direktori Maks Eberl futbolchi ijara muddati tugagach, Chelsi safiga qaytishini tasdiqladi.
Senegallik hujumchi joriy mavsumda Bavariya safida 33 ta o‘yinda maydonga tushib, 10 ta gol va 4 ta golli uzatmaga mualliflik qildi. Uning Chelsi bilan shartnomasi 2033-yilga qadar mo‘ljallangan bo‘lsa-da, London klubining kelgusi rejalari hozircha noma’lum.
“Zamin”ni Telegramʻda oʻqing!
